Уште еден олигарх починал во мистериозни околности, а медиумите јавуваат дека тој починал откако паднал по скали на 9 декември во градот Антиб на француската ривиера.

Педесетгодишниот Дмитри Зеленов бил на вечера со некои пријатели кога почнал да се чувствува лошо. После тоа, тој наводно паднал по скалите и се здобил со смртоносни повреди на главата, според рускиот весник „База“ и локалниот француски весник „Вар Матин“.

Олигархот веднаш бил пренесен во болница, но лекарите не успеале да го спасат, а неговата смрт ја констатирал јавниот обвинител во блиската општина Грас следниот ден. Според каналот „Телеграм“ на весникот „База“, Зеленов неколку недели пред смртта бил опериран поради срцев проблем, иако не биле објавени дополнителни информации.

Back to news #ukraine. Cet oligarche russe est mort en France. Dmitry Zelenov est "tombé d’une balustrade" le 9 décembre. Un décès qui s’ajoute à la longue liste de disparitions suspectes de magnats russes depuis le début de l’invasion en Ukraine. Il avait 50 ans .#nicematin pic.twitter.com/StnRNtOXyM

— LAURENCE HAIM (@lauhaim) December 18, 2022

Зеленов беше ко-основач на Дон-Строј, некогаш една од најважните империи во Москва за инвестирање и развој во недвижности, која ја основа во 1994 година. Тој редовно се појавуваше на листата на Форбс на најбогати Руси до 2008 година, кога Дон-Строј претрпе значителни финансиски загуби поради финансиската криза.

Околностите за смртта на тајкунот со недвижности се неверојатно слични на оние на Анатолиј Герашченко, поранешниот шеф на Московскиот авијациски институт, кој почина откако наводно паднал по скалите во седиштето на институтот во Москва во септември.

Серија мистериозни околности за смртта на други олигарси

Многу сомнителната смрт на Герашченко доаѓа помалку од две недели откако првиот човек на Владимир Путин за развој на руските арктички ресурси, Иван Печорин, „падна во морето“ додека пловел по брегот на Тихиот Океан. Двајцата беа последните во долгата низа високи функционери од рускиот енергетски, технолошки и финансиски сектор поврзани со Кремљ кои умреа под сомнителни околности во последните месеци.

Поранешниот извршен директор Игор Носов исто така ненадејно почина во февруари, наводно од мозочен удар. Нафтениот тајкун и претседател на Лукоил Равил Маганов паднал од прозорецот на шестиот кат на болница во Москва.

Во јули, Јуриј Воронов, шеф на транспортно-логистичка компанија за компанија поврзана со Гаспром, беше пронајден мртов во неговиот базен. Уште две смртни случаи на директори поврзани со Гаспром беа пријавени во елитни куќи во близина на Санкт Петербург, што ги зголеми сомнежите дека смртните случаи можеби се убиства.