Повратникот во ракометната репрезентација на Македонија и тоа во двојна улога, Филип Миркуловски е позитивен на коронавирус по завршување на репрезентативните обврски во изминатата.
Миркуловски кој е дел од стручниот штаб, а воедно и ракометар, изминатите шест дена беше дел од репрезентацијата која одигра два натпревари против Данска на кои беше забележан триумф во Скопје. На вториот натпревар во Алборг, тој и селекторот Лазаров ја предводеа репрезентацијата од клупата.
Но, веднаш по враќањето во Вецлар, германскиот тим потврди дека Миркулковски е позитивен на коронавирус. Коронавирус има и во селекцијата на Данска, позитивни се Ханс Линдберг и Кевин Мелер, а неколку ракометари се наоѓаат во изолација.