-2 C
Скопје

Министерството на Груби ја занемари двојазичноста на официјалната веб-страница

Првиот вицепремиер замина на средба со косовската колешка, додека дома му се „трупаат“ скандалите

Најмалку 1.200 евра казна му се заканува на првиот вицепремиер Артан Груби, со оглед на фактот што веб-страницата на Министерството за политички систем со кое раководи осамна еднојазична. Па така, на официјалната страница на институцијата, единствено на албански јазик се споделуваат активностите на првиот вицепремиер, а место за промоција се најде и за најновата песна на пејачката Туна, посветена на албанската азбука. Од друга страна, било каков податок на службениот македонски јазик не може да се пронајде, но се напоменува дека оваа верзија е во изработка. Од Владата не дадоа конкретен одговор зошто министерството предводено од Груби не пружа информации и за граѓаните чиј јазик е македонскиот.

-Оваа страница е во фаза на изработка и за многу кусо време, според она што последно успеав да го добијам како информација, е дека ќе биде пуштена страницата и на македонски и на англиски јазик, извести владиниот портпарол Душко Арсовски.

Прочитајте и...  Петров: За видеата не се трошени државни пари

Согласно членот 6 од Законот за употреба на јазиците, за кој високи функционери од Мала Речица минатата година се пофалија дека е „закон на ДУИ“, веб страниците на институциите и содржината на веб страниците покрај на македонскиот јазик и неговото писмо, задолжително се објавуваат и на јазикот различен од македонскиот јазик кој го зборуваат најмалку 20% од граѓаните во Република Македонија и неговото писмо. Во Законот е предвидено и дека за непочитувањето на овие одредби, каков што е случајот и со Министерството за политички систем кој го изостави македонскиот јазик, се изрекува глоба, чија сума варира од четири до пет илјади евра. Но, на глоба во износ од 30% од казната за институцијата подлежи и нејзиното службено и одговорно лице, односно најмалку 1.200 евра.

Прочитајте и...  Во Делчево промовирана книгата „Човекот кој ме хранеше сонце" од Бети Арсовска

Сепак, по се изгледа, Груби ќе куртули од полнење на буџетот, бидејќи прекршувањето на Законот за употреба на јазиците и уставните амандмани посветени на јазикот, го утврдува Инспекторатот за употреба на јазици, кој пак се уште не е екипиран и не функционира во целост.

Во меѓувреме, додека неговото име е се поактуелно во јавноста, првиот вицепремиер Артан Груби замина во официјална посета на Косово и не е достапен пред домашните медиуми за одговор на прашањата поврзани со двојазичноста на официјалната веб-страница на неговото министерство, како и за коментар на изјавата на лидерот на ДУИ, Али Ахмети кој истакна дека првиот вицепремиер бил во улога на преведувач во случајот за т.н. „Жолта куќа“.

Прочитајте и...  Уапсен угостител во Тетово, кој служел гости по дозволеното време

Груби за дел од медиумите потврди дека во случајот бил ангажиран за превод од страна на Хашкиот трибунал и ги демантираше написите дека бил повикан од страна истражителите во Хаг во својство на сведок. За наводите за вадење и продавање на органи на десетици Срби досега истрага водеа УНМИК, Меѓународниот трибунал и ЕУЛЕКС, но не завршија со обвинение.

Поврзани вести

ВИДЕО I Поранешен агент на ШИК открива нечуени детали за припадникот на косовската полиција, Фадил Сулевиќ, кој вчера беше пронајден мртов во близина на Приштина: Еве што знаеше и кој се плашеше …

И.И.

ФОТО | „Доста беше“: Портпаролот на ВМРО-ДПМНЕ роденденски ја запроси девојката Сања

СП.

Среќа во несреќа: Нема повредени патници на ЈСП во сообраќајката кај Шумарски факултет

Слободен печат

Изградба и обнова на основни училишта со 328 милиони денари, за средните 19,7 милиони

Слободен печат

Филипче: Тие што прележале засега не треба да се вакцинираат

И.И.

Владата повторно ќе дава субвенции, овој пат 52 милиони денари ќе бидат поделени за енергетско ефикасни прозорци и сончеви колектори

И.И.

Остави Коментар