Денеска италијанскиот клуб објави на својот официјален сајт дека ја продолжи соработката со својот досегашен тренер. Српскиот стратег Синиша Михајловиќ потпиша нов договор со екипата на Болоња кој ќе трае до 30 јуни 2023 година.

На Михајловиќ му остануваа уште две години од претходниот договор, но Болоња беше особено заинтересирана да го задржи. Србинот се врати во јануари 2019 година и му обезбеди опстанок на клубот во својата прва сезона, освои 30 бодови од само 17 натпревари.

Му беше дијагностицирана леукемија пред сезоната 2019/20, но е на пат кон закрепнување откако беше подложен на трансплантација на коскена срж.

Иако помошниците на Михајловиќ беа одговорни во поголем дел од оваа сезона, тој повторно се врати на тренинг центарот на Болоња.

Моментно екипата е на 10 место во Серија А и ќе ја продолжи сезоната во следниот понеделник со домашен натпревар против Јувентус.

Bologna, per Mihajlovic rinnovo fino al 2023: è ufficiale. Le newshttps://t.co/Iu3N1VfpaH

— skysport (@SkySport) June 17, 2020