На Синиша Михајловиќ пред повеќе од една година му беше дијагностицирана леукемија, но и покрај тоа Србинот ја предводеше Болоња на клупата со што го воодушеви фудбалскиот свет.

Подоцна имаше и операција на коскена срж и за време на пандемијата на коронавирусот.

– Тоа е мала работа за еден донор, но можете да замислите како се чувствувате кога ќе спасите живот на некого – вели Михајловиќ кој не престанува да воодушевува италијанската јавност.

– Сега се чувствувам добро, многу сум посилен од порано. Поминаа речиси седум месеци од трансплантацијата и се надевам дека најлошото е зад мене.

Михајловиќ потоа објасни во каква физичка состојба е во моментов.
– Овие денови можам да трчам 10 километри, кревам тегови и има моменти кога сум уморен. Затоа е многу важно да го слушате своето тело и да го правите тоа што е исправно. Немојте да изигрувате херои – додава Михајловиќ.