Метју Меконахи раскажа како изгубил повеќе од 20кг за легендарната улога во „Dallas Buyers Club“
Актерот Метју Меконахи сподели како изгубил над 20 килограми за легендарната улога во филмот „Dallas Buyers Club“, потсетувајќи се на процесот на трансформација.
Неговата диета вклучувала само риба, белки од јајца, пудинг од тапиока и како што вели тој „онолку вино колку што сакав да пијам“.
„Не се измачував. Бев воинствен. Најтешкиот дел беше да го направам проклетиот избор“, рече Меконахи во емисијата „The Joe Rogan Experience“.
Меконахи го играше ликот Рон Вудруф, човек на кој беше дијагностициран со ХИВ во 4 фаза во средината на 80-тите години на минатиот век, за чија улога актерот доби Оскар во категоријата за „Actor in a leading role“.
Актерот во разговор со Роган кажа дека сакал да ја изгуби многу од својата тежина за да ја покаже реалноста на живеење со ХИВ во напредни фази, оддавајќи му почин на животот и наследството на Вудруф.
„Тоа беше моја одговорност. Ако изгледав како што изгледам сега и го играв Рон Вудруф од „Dallas Buyers Club“, гледачите би биле надвор од првата рамка на филмот“, рече Меконахи.
Метју за пет месеци од 85 килограми се симнал на 61. Актерот рече дека јадел риба за ручек и вечера, мали количини зеленчук со секој оброк и белки од јајце за појадок. Неговото секојдневно задоволство било само мала количина пудинг од тапиока.
„Најдов пудинг од тапиока и најдов најмала античка лажица во Њу Орлеанс за јадењето да трае подолго“, изјави Меконахи пред топлпата новинари во 2014 за време на „Screen Actors Guild Awards“.
Тоа не е прв пат Метју да си го „трансформира“ телото за улога. Тој мораше да „набилда“ мускулна маса за неговата улога во филмот „Magic Mike“ каде повторно имаше неверојатни резултати од напорните тренинзи.