Mенаџерот на Арсенал Микел Артета е позитивен на коронавирус, официјално вечерва соопштија од лондонскиот клуб.

Од Арсенал информираат дека целиот тренинг центар „Колни“ е затворен, откако се покажа дека стратегот на „топчиите“ е позитивен на вирусот поради кој се одложуваат и многу спортски настани.

Исто така, во изолација се сите луѓе кои оствариле контакт со шпанскиот менаџер, играчите и тренерскиот персонал, како и одреден број на луѓе и од Академијата „Хејл Енд“, сите кои се привремено затворени поради превенција.

Club statement: COVID-19

— Arsenal (@Arsenal) March 12, 2020

– Ова е навистина разочарувачко, но го направив тестот бидејќи се чувствував лошо. Ќе се вратам на работа веднаш штом ќе ми дозволат – рече Артета.

Менаџерот на Арсенал в среда требаше да биде на клупата на својата екипа во натпреварот против Манчестер сити, но тој меч е одложен.

Претходно левиот бек на Манчестер сити, Бенџамин Менди исто така се одлучи за самоизолација, бидејќи очекува негов роднина, со кој беше во близок контакт, да биде позитивен на тестот.

The Premier League will convene an emergency club meeting tomorrow morning regarding fixtures after Mikel Arteta tested positive for COVID-19

Statement: https://t.co/ofi5DhIQZM pic.twitter.com/RmnxRHXooz

— Premier League (@premierleague) March 12, 2020

Исто така во текот на вчерашниот ден Јувентус излезе со информација дека позитивен на коронавирус е Даниеле Ругани, како и играчот на Сампдорија, Маноло Габиадини.

Премиер лигата претходно се огласи со соопштение дека сите мечеви во претстојниот викенд ќе бидат одиграни според планот, но сега после ваквата вест објави ново соопштение во кое најавува итен состанок со сите клубови в петок во утринските часови.