Горан Иванишевиќ денеска и официјално стана член на тениската Куќа на славните во Њупорт. Честа да го внесе актуелниот тренер на Новак Ѓоковиќ ја имаше легендарниот американски тенисер Џон Мекинро кој беше идол на Иванишевиќ.

– Го сакам Горан Иванишевиќ и неизмерно сум возбуден што можам да воведам во Куќата на славните некој за кого може да се каже дека на теренот беше полуд од мене. Многу пати играв против него, многу пати ги гледав и коментирав неговите мечеви и можам да кажам дека дека постојано „ме држеше“ за столчето бидејќи не знаев што ќе се случи следно, а не сум сигурен дека и тој знаеше. Неговата непредвидливот е една од причините поради кои го сакавме и зошто беше тешко да се игра против него – изјави Мекинро.

Ниту Иванишевиќ не му остана должен на својот идол за убавите зборови:
– Не мислам дека сум полуд од тебе, но сум многу блиску. Те сакам, го сакам твојот тенис и ти си причината зошто почнав да играм тенис, и да многу пати те победив.