„Форбс“ е магазин кој излегува дури 102 година и кој привлекува големо внимание во јавноста со своите листа на најплатени спортисти и највлијателни личности во сите сфери.

Очекувано спортистот со најголема заработка во периодот од 2010 до 2019 година е Флојд Мејведер кој заработи дури 915 милиони долари. Боксерот во целост го оправда прекарот „Money“ (пари), а највеќе заработи во мечевите со Ману Паквајо и со Конор Мекгрегор, а во пензија замина со перфектен учинок, 50 победи во 50 мечеви.

На второто место на листата на „Форбс“ се наоѓа фудбалерот на Јувентус и на португалската репрезентација, Кристијано Роналдо кој заработил 800 милиони долари, додека на третото место е уште еден фудбалер, Лионел Меси со 750 милиони долари.

На четвртото место е Леброн Џејмс кој играјќи за Мајами хит, Кливленд кавалирс и ЛА Лејкерс заработи 680 милиони долари.

Петти е Рожер Федерер со 640 милиони долари, а наредните две места им припаднаа на голфери, Тајгер Вудс (615 милиони) и Фил Микелсон (480 милиони). На осмото место се најде единствениот боксер кој бил шампион во дури осум категории, Ману Паквајо со 435 милиони.

Листата на 10. спортисти со најголема заработка во изминатата деценија ја комплетираат НБА кошаркарот Кевин Дурант (425 милиони) и шампионот во Формула 1, Луис Хамилтон со заработени 400 милиони долари. Американската тенисерка Серена Вилијамс е единствената жена спортистка меѓу 40. најдоброплатени.

Highest Paid Athletes of the Decade (Forbes):

1. Floyd Mayweather: $915m
2. Ronaldo: $800m
3. Messi: $750m
4. LeBron James: $680m
5. Roger Federer: $640m
6. Tiger Woods: $615m
7. Phil Mickelson: $480m
8. Manny Pacquiao: $435m
9. Kevin Durant: $425m
10. Lewis Hamilton: $400m

— Hot Freestyle (@HotFreestyle) December 24, 2019