Меѓународниот суд му нареди на Израел да направи сè што може за да се спречи геноцид во Газа
Меѓународниот суд не му нареди на Израел да ја прекине својата офанзива во Газа, туку побара од него да стори сé што е во негова моќ за да спречи акти на геноцид.
Меѓународниот суд на правдата (МСП) пресуди дека има јурисдикција да ги сослуша аргументите на обвинителството за геноцид и го отфрли барањето на Израел да го отфрли случајот. На Израел му е наредено да ги преземе сите мерки во негова моќ за да спречи геноцид, пренесува Би-Би-Си.
На сослушувањето пред Меѓународниот суд на правдата, познат и како Светски суд, Јужна Африка побара итно запирање на израелската воздушна и копнена офанзива врз палестинската енклава, чија цел е „депопулација“ на Газа.
Со 16 гласа „за“ и еден „против“, судот одлучи дека Израел мора да ги преземе сите мерки во рамките на своите овластувања за да ги спречи и казни оние кои се вклучени во поттикнувањето геноцид.
„Судот смета дека катастрофалната хуманитарна ситуација во Појасот Газа е во сериозен ризик од дополнително влошување пред судот да ја донесе својата конечна пресуда“, рече судијката Џоан Доногју.