Меџити преку онлајн платформа бара име на новото движење
Иницијаторот на новото движење Изет Меџити бара кум за името на новиот политички субјект, кој според најавата треба да го официјализира на 13 август – денот на потпишувањето на Рамковсниот договор. Тој ги повика граѓаните да ги кажат своите предлози за името како и за слоганот на движењето на онлајн-платформата која ја актувираше вчера.
Според објавата на Фејсбук, Меџитидава насоки дека името на новиот политички субјект треба да ги одразува вредностите, мисијата и целта за подобра иднина.
„Почитувани граѓани, за да создадеме подобро, поправедно и понапредно општество, потребна ни е вашата поддршка и придонес, бидејќи вие ќе бидете вистинскиот партнер во дејствувањето и функционирањето на новото движење. Затоа, ве покануваме да ни се придружите со вашите идеи и визија и заедно да ја направиме промената што сакаме да ја видиме во општеството. Од денес ви ја претставуваме нашата онлајн платформа www.levizja.mk, преку која можете да го искажете вашето мислење, како и да дадете ваш предлог за тоа како треба да се вика новото движење и неговиот слоган кој треба да ги одразува вредностите, мисијата и целта за подобра иднина, која сите ја посакуваме, каде во фокус е народот и само народот“, напиша Меџити.