Маска за лице од мед, полн погодок за нахрането лице пред студената зима
Маската за лице од мед може да биде вашиот најдобар сојузник во заштита на лицето и ослободување од акните. Постојат и различни варијанти на маската за секој тип на кожа.
Медот одамна е ценет како златен лек, поради своите здравствени предности, и користен е за лекување рани, повреди на кожата. Тој е моќен антибиотик кој ги убива бактериите отпорни на други антибиотици. Сите бактерии што можете да ги замислите на вашето лице, заедно со вишокот себум и мртвите ќелии, се совршена подлога за медот да ги отстрани.
Медот можете да го ставате на лицето секој ден
Медот е одличен за кожата, секако доколку не сте алергични на него. Со неговите антивоспалителни дејства, кожата може да ви биде сјајна, глатка и блескава. Во суштина не ви требаат којзнае какви мудрости за да ја сфатите оваа предност. Доволно е да имате тегла природен мед при рака и да го масирате вашето лице или тело пред туширање со оваа златна состојка.
Колку често можете да го користите медот како маска?
Како и секој друг благ третман на лицето, медот можете да го користите секој ден. Доколку сакате да комбинирате и други состојки освен медот, треба да знаете што е најефикасно и кои комбинации ќе направат најдобри резултати.
На пример, маската од мед и маслиново масло е одлична за сува кожа. Маската од мед и лажичка цимет е одлична за пилинг и смирување на акните. Комбинацијата од мед и јогурт е одлична за масна кожа – млечните киселини од јогуртот ќе ја смират кожата и длабоко ја хидрираат, чистејќи ја од вишокот маснотија.
Почнете уште вечер пред спиење – лицето ќе ви биде благодарно.