Мартинез ако треба и ќе ја скрати платата, само за да дојде Меси во Премиер лигата
Сè поизвесно е дека наскоро Лионел Меси ќе се раздели со ПСЖ, а доста се шпекулира каде би можел Аргентинецот да ја продолжи кариерата.
Се поврзува со можно враќање во Барселона со која ги оствари најголемите успеси, но таа приказна и натаму не добива на значење поради лошата финансиска ситуација во клубот од „Камп Ноу“ и правилата на „Ла Лига“.
Ал Хилал од Саудиска Арабија му понуди астрономски бројки на Меси и чека одговор.
На Меси се надеваат и во американската МЛС лигата, додека во Аргентина не го очекуваат поради ситуацијата во земјата.
Како „гром од ведро небо“ се појави и понуда од Премиер лигата. Како што пренесува „Дејли Мејл“, соиграчот на Меси од репрезентацијата, голманот Емилијано Мартинез, го повикува легендарниот ас во редовите на Астон Вила.
– Дојди во Астон Вила. Ќе пиеме, ќе јадеме „асадо“ (печено месо) секоја недела. Ќе ги замолам луѓето да направат мали знамиња за него и тој добро се забавува. Ќе се откажам од дел од платата, ќе го дадеме најдоброто – вели Мартинез.