Марк Руте: Итен прекин на насилството и масовно зголемување на хуманитарната помош за Газа
Првиот човек на холандската влада смета дека е важен апелот на Обединетите нации за прекин на огнот помеѓу Израел и Хамас. Според Марк Руте, потребно е веднаш да се ослободат сите заложници и масовно да се зголеми помошта за Газа.
„Тоа што е потребно сега е: Итен прекин на насилството, ослободување на сите заложници, итно масовно зголемување на хуманитарната помош за Газа и трајно решение“, напиша премиерот на Холандија, Руте, на социјалните мрежи.
Советот за безбедност на Обединетите нации ја усвои резолуцијата за итен прекин на огнот во Појасот Газа како и за безусловно ослободување на заложниците. ОН за првпат по шестмесечната војна во Појасот Газа бара „итен прекин на огнот“.
„За“ резолуцијата гласаа 14 земји, а само САД беа „воздржани“.
Резолуцијата беше поднесена од десет непостојани земји-членки на Советот за безбедност. Во претходните обиди постојаните земји-членки ставаа вето, со што оневозможуваа усвојување на претходните резолуции за примирје во Газа.
САД досега ставија вето на три нацрт резолуции, а Русија и Кина двапати го блокираа американскиот предлог.