Марија Павловска со делото „Госпоѓа и Госпоѓица Х“ учествува на 13. Биенале во Фиренца

Врз основа на интернационалната активност на полето на ликовното, македонската уметница Марија Павловска со делото „Госпоѓа и Госпоѓица Х“ e селектирана за учество на престижното 13. Биенале во Фиренца, што ќе се одржи од 23 до 31 октомври 2021 година. Тема на биеналето е „Вечна феминина / вечна промена“.

Проектот на Павловска е изработен во последните две години (2019-2021) и содржи инсталација (полиптих – серија цртежи) поткрепен со видеоматеријал.

Претставувањето на проектот на Биеналето во Фиренца е поддржано од Уметничкиот центар, Музеј МАНА Контемпорари / Монира Фондација – САД.

(Текстот е објавен во „Културен печат“ број 102, во печатеното издание на весникот „Слободен печат“ на 23-24 октомври 2021)

Видео на денот