Италија на помалку од еден месец до натпреварот со Македонија остана без селектор откако Роберто Манчини изненадувачки поднесе оставка.

Манчини на кормилото на италијанската репрезентација седна во мај 2018 година и најголемиот успех го направи со освојувањето на Европското првенство.

За италијанските медиуми Манчини подоцна ја даде и првата изјава по оставката, истакнувајќи дека заминува поради негова лична одлука.

„Заминувањето е моја лична одлука. Благодарен сум на претседателот Гравина и сите членови на федерација за довербата која ја имаа во мене. Исто така ги поздравувам фудбалерите и фановите кои ме поддржуваа изминатите години“, изјави Манчини.

Дел од медиумите пишуваат дека Манчини заминал поради богата понуда да стане селектор на Саудиска Арабија, но засега овие информации не се потврдени.