Манчини останува селектор на Италија до 2026 година
Поранешниот тренер на Сампдорија, Интер, Лацио и Манчестер сити е награден со нов договор за одличните игри на репрезентацијата.
Роберто Манчини ја прероди репрезентацијата на Италија, доминираше во квалификациите за ЕП и сега доби награда за одличната работа.
Италијанскиот новинар Фабрицио Романо објави дека Манчини потпиша нов договор со фудбалската федерација на Италија и ќе остане селектор на „аѕурите“ со крајот на Светското првенство 2026 година.
Roberto Mancini has just signed his contract extension as Italian National Team coach until June 2026. He’s staying also for the World Cup in Qatar 2022. 🇮🇹 #Italia
— Fabrizio Romano (@FabrizioRomano) May 17, 2021
Поранешниот тренер на Сампдорија, Лацио, Интер и Манчестер сити на клупата на Италија седна 2018 година кога го наследи Луиџи фо Бјаџо потпишувајќи краткорочен договор со опција за автоматско продолжување доколку се пласира на ЕП.
Репрезентацијата на Италија под негово водство ги оствари сите 10 победи во квалификациите и прва обезбеди виза за ЕП.
Згора на тоа, во Федерацијата се задоволни и поради податокот дека Манчини во репрезентацијата промовира неколку млади фудбалери кои треба да бидат носители на играта во следната деценија по што новиот договор беше очекуван.