Министерот за информатичко општество и администрација Дамјан Манчевски во интервју за „360 Степени“ најави дека на 15 октомври ќе биде пуштен во употреба електронскиот регистар на население.

„Ова ќе значи дека нема да имаме различни податоци за себе во различни бази, во различни институции. Конечно ги исчистивме различните податоци за нас самите што ги имавме во различни бази на податоци. Ова ќе е основната база на податоци за сите граѓани, електронски регистар на население, преку којшто, со активација на нашиот електронски идентитет, а тоа веќе го имаат, условно кажано, несакајќи направено, сите оние коишто се пријавени за електронска пријава за данок преку УЈП, над 900 илјади граѓани, ќе можеме да остваруваме електронски услуги на сосема законски начин – рече Манчевски.