Мала изложба на црно-бели фотографии и графички дизајн ќе биде поставена во МКЦ
Во просторот на бифето во Младинскиот културен центар во Скопје се подготвува поставката на мала изложба на црно-бели фотографии и графички дизајн на авторите Слободан Циклевски и Гордана Каракашевска, насловена „B&W Freestyle photography“.
Изложбата ќе биде поставена од 24 до 27 март 2023 година, кога публиката ќе има можност да ја проследи оваа, по многу нешта, посебна изложба на црно-бели фотографии што оддаваат замрзнат момент и врамена меморија.
Делата овозможуваат да се почувствува магијата на фотографијата, нејзината тишина и магичноста на црно-белата фотографија.
– Животот е во боја, но црно-белото е пореално. Кога фотографирате во црно-бела техника, вие ја фотографирате душата на нештата – истакнуваат авторите на изложбата.
На 27 март, во 19.30 часот, ќе има излагање и проекција на албумот 2022/23 од „B&W Freestyle photography“.