Таеквондото носи врвни резултати во Македонија, сите посакуваме тој тренд да продолжи и во следниот период.

Македонското таеквондо го живее својот златен период, а од Македонската Таеквондо Федерација велат дека ќе се потрудат тој да потрае.

Одржан е заеднички тренинг со врвна класа спортисти и идните потенцијали на македонското таеквондо.

– Одговорноста за добиените награди за најдобра федерација, најдобар тренер и најдобар спортист во Македонија за 2021 година, се посебен мотив за нови врвни успеси и исклучително квалитетно развивање и проширување на олимпискиот спорт Таеквондо во Македонија – пренесуваат од федерацијата.

Овој месец најголем дел од нашите најдобри репрезентативци предводени од олимпискиот вицешмпион Дејан Георгиевски беа на врвен олимписки тренинг камп во Врњачка Бања, Србија.

Тоа беше едно одлично тренинг искуство помеѓу најдобрите борци на планетата, овој тренинг камп беше организиран од страна на таеквондо клуб „Галеб“.