Од 26 до 30 април во Осиек, Хрватска се одржува турнирот Europеan Youth Series кој е прв од овој вид, а е организиран од Европската пингпонгарска федерација заедно со Хрватската пингпонгарска федерација.

На турнирот се играат следните категории: мешани тимови до 13 и до 15 години, машки и женски поединечно до 13 и 15 години и машки и женски двојки до 13 и до 15 години.

Настапуваат околу 100 играчи од 15 земји од Европа меѓу кои се и македонските репрезентативци до 15 години: Александар Јакимовски од ППК Крива Паланка, Фани Јовановска од ППК Крушево, Матеја Смолиќ од ППК Рисови и Андреј Стојановски од ППК Крива Паланка, предводени од селекторот Сашко Богатинов.

Како главен судија на турнирот е и Ангелина Иванова од Македонската пингпонгарска федерација, која ја доби довербата од ЕТТУ да го води овој турнир.

Нашите репрезентативци не ја поминаа групната фаза и не се пласираа на главниот костур, но покажаа добри резултати и играа тесни натпревари кои ги загубија со многу мала разлика.