М-НАВ: Безбедноста на авиосообраќајот не е доведена во опасност
М-НАВ ја известува целата јавност дека безбедноста на авиосообраќајот не е доведена во опасност во ниту еден момент, поради фактот што до сега нема ниту една пријава за дефект на светлосната сигнализација ” ПАПИ ” на аеродромот во Скопје од страна на пилоти, но и од страна на ТАВ во чија надлежност е набавката и одржувањето на горенаведената опрема.
Информацијата дека во нашето Друштво во изминатите неколку месеци се отпуштени голем број на вработени кои биле пред пензија ја отфрламе во целост како неточна, соопшти М-НАВ АД Скопје.
-Во однос на финасиската состојба на нашето Друштво би сакале да ја информираме јавноста дека Управниот Одбор на М-НАВ А.Д има донесено пакет економски мерки во насока на одржување на ликвидноста, соопштуваат од таму.
– Сите човечки и технички ресурси во М-НАВ АД Скопје работат со максимален капацитет и најпрофесионално ги извршуваат сите оперативни работни задачи, при што критериумите за обезбедување на потребното ниво на безбедност и ефикасност во услугите за воздухопловна навигација континуирано се одржуваат на највисоко ниво, се вели со соопштението на М-НАВ испратено во форма на демант за написи објавени во некои од македонските медиуми без да се контактира компанијата.