Фудбалерите на Манчестер јунајтед во рамките од групата „Ф“ се соочуваат со Аталанта на „Олд Трафорд“ од 21.00 часот во натпреварот од третото коло во групната фаза од Лигата на шампионите.

„Црвените ѓаволи“ не блескаат во последно време, а изминатиот викенд нивните навивачи беа разочарани после поразот од Лестер во Премиер лигата, по што веднаш започнаат нови шпекулации за заминување на менаџерот Оле Гунар Солскјер од клупата.

Овој меч против Италијанците за Норвежанецот е важен и триумф сигурно ќе биде добредојден и за него и за клубот. Во текот на вчерашниот ден се појавија информации дека Кристијано Роналдо, играчот на Јунајтед, го предлага Зинедин Зидан како наследник на Солскјер. Интересен е податокот кој вели дека Манчестер јунајтед за првпат во историјата ќе игра против Аталанта.

Your Wednesday night entertainment 🍿

Which teams will secure 3 points? 👇#UCL

— UEFA Champions League (@ChampionsLeague) October 20, 2021

Барселона предводен од тренерот Роналд Куман во групата „Е“ не смее да си дозволи нов кикс, бидејќи во спротивно би можела да го загрози пласманот во осминафиналето од ЛШ. После две кола има два порази и вечерашната средба на „Камп Ноу“ против украинскиот Динамо Киев е многу важна за каталонската екипа да остане во трката за првите две места.

Лига на шампиони 2021/2022

3. коло, двојки –

Група „Е“

18.45 часот Барселона – Динамо Киев
21.00 часот Бенфика – Баерн Минхен

Табела: Баерн Минхен 6 бодови, Бенфика 4, Динамо Киев 1, Барселона 0.

Група „Ф“

21.00 часот Манчестер јунајтед – Аталанта
21.00 часот Јанг Бојс – Виљареал

Табела: Аталанта 4 бодови, Јанг Бојс 3, Манчестер јунајтед 3, Виљареал 1.

Група „Г“

18.45 часот Салцбург – Волфсбург
21.00 часот Лил – Севиља

Табела: Салцбург 4 бодови, Севиља 2, Волфсбург 2, Лил 1.

Група „Х“

21.00 часот Челси – Малме
21.00 часот Зенит – Јувентус

Табела: Јувентус 6 бодови, Челси 3, Зенит 3, Малме 0.

ВИДЕО: Петарда на Сити, убедлив триумф на Спортинг во Истанбул