Лиса Баута Шаќири: И голи можеме да се сликаме, а вие да ни се фатите
Случајот „Јавна соба“ повторно ја разбранува македонската јавност и бројни јавни личности им дадоа поддршка на жртвите чиишто фотографии беа споделени во спорната група на апликацијата Телеграм. Како голем поборник за женските права, и Лиса Баута Шаќири го искажа своето мислење преку Фејсбук статус и не штедеше на критики за оваа екстремно непријатна ситуација во којашто се најдоа илјадници жени.
– Ние жените што сакаме ќе постираме! И голи можеме да се сликаме, а вие да ни се фатите! Драги жени, ова е напад врз сите нас. Не смееме да се криеме, не смееме да молчиме. Ние не сме сексуални објекти, туку сексуални суштества! Нашата сексуалност е наша работа и наше право! Со тоа не се срамиме, напротив, се гордееме зашто преку тоа деца раѓаме! Драги девојки, жртви – на мојот ФБ и Инста профил има и слики каде сум доста разголена! Јас сум мајка на две деца и сопруга на брилијантен маж кој има почит кон жената и женското тело! Постирање слики е тотално ОК! Штом е за мене, за вас е уште повеќе! Главата горе! Заедно сме во ова! Ви стојам на располагање за поддршка и секаква помош, вели Шаќири во својата објава.
Триесет психолози понудија бесплатна психолошка помош за жртвите од „Јавна соба“
ВИДЕО | Димитрова од Хелсиншки: „Јавна соба“ е кривично дело кое мора час поскоро да се реши