Лекција од Ибрахимовиќ до Мбапе и родителите: Замолчете и оставете го да работи
Златан Ибрахимовиќ во интервјуто за францускиот „Канал плус“ ја коментираше и ситуацијата на Килијан Мбапе и неговата одлука да го одбие Реал Мадрид и да го продолжи договорот со ПСЖ.
Не се сомнева Швеѓанецот дека Мбапе е одличен фудбалер на теренот, меѓутоа смета дека некои негови последни потези во кариерата биле погрешни.
„Мбапе лично не го познавам многу, но како фудбалер можам да кажам дека е фантастичен. Сепак, кога ја губите дисциплината вие го губите и идентитеот. Сите знаеме зошто Зидан е Зидан, а Мбапе сака да го имитира“.
На останувањето во ПСЖ Ибрахимовиќ гледа како добар потег за клубот, но не и за Мбапе.
„Останувањето во Париз беше вистински избор за ПСЖ, не и за него. Тој се стави во ситуација каде што е поважен од клубот, а такво нешто клубот му овозможи. Никогаш не можете да бидете поголем од клубот каде и да играте“.
Дел од вината за според него погрешниот потег Ибрахимовиќ гледа и кај родителите на Мбапе.
„Неговите родители наеднаш станаа адвокати, тренери, агенти…Од едно нашто стануваат друго. Тука настанува проблем, со новите генерации мајките и татковците мислат дека се ѕвездите. Излегуваат во медиумите и даваат изјави, но кои мислете дека сте? Едноставно замолчете. Се зависи од вашиот син и оставете го да работи во мир и дисциплина“, изјави Ибрахимовиќ.