Леброн пресреќен поради размената: Ова е само почеток
Лос Анџелес лејкерс сабајлево ја направи размената на годината, успеа да го доведе Ентони Дејвис од Њу Орлеанс пеликанс во замена за Лонзо Бол, Брендон Инграм, Џош Харт и три пика од првата рунда на НБА драфтот, вклучувајќи го и четвртиот од годинешниот драфт.
Со овој потег на управата, конечно се оствари желбата на првата ѕвезда на тимот, Леброн Џејмс покрај себе да има уште еден Ол стар кошаркар со што „езерцата“ преку ноќ стана фаворити за титулата во наредната сезона.
„АД доаѓа! Одиме, брату! Ова е само почеток“, напиша Џејмс на својот профил на Инстаграм.
Откако ја завршија работата со Дејвис, управата на ЛА Лејкерс полека се насочува и кон ангажман на уште една голема ѕзведа на која можат да и понудат договор кој на годишно ниво би „тежел„ 30-тина милиони долари. Засега само три кошаркари се во плановите на управата, Кемба Вокер, Бредли Бил и Кајри Ирвинг, а нема да биде изненадување да го ангажираат и Џими Батлер доколку ја одбие понудата од Филаделдија сиксерс за нов договор.
Единствен кој не е среќен од размената, е таткото на Лонзо Бол, контроверзниот Лавар.
– Ви гарантирам, ова е најлошиот потег на Лејкерс кој некогаш го направиле и повеќе немада ја освојат титулата. Ќе зажалат за ова. Ако ништо, мојот син избега од бродот кој сега потона. За Лонзо најважно е да биде здрав и да игра, а не важно каде. Сега конечно ќе добие можност да покаже што знае – изјави Лавар Бол.
LaVar Ball on the Lakers trading Lonzo Ball: ‘I guarantee… it will be the worst move the Lakers ever did in their life and they will never win another championship. Guarantee it.” pic.twitter.com/Q1pxopsEdP
— Ohm Youngmisuk (@NotoriousOHM) June 16, 2019
