Новинарот на ЕСПН, Адријан Војнаровски, само два дена по завршувањето на сезоната во НБА лигата, го објави трансферот на летото, Енотони Дејвис оди во Лос Анџелес лејкерс.

Според Војнаровски, Њу Орлеанс пеликанс се согласи да го испрати ол стар центарот во ЛА Лејкерс, а за возврат ќе ги добие Лонзо Бол, Брендон Инграм, Џош Харт и три пика од првата рунда на драфтот, вклучувајќи го и четвртиот пик на овогодинешниот драфт.

The Pelicans have agreed to a deal to trade Anthony Davis to the Lakers for Lonzo Ball, Brandon Ingram, Josh Hart, and three first-round picks – including the No. 4 overall in 2019 Draft, league sources tell ESPN.

— Adrian Wojnarowski (@wojespn) June 15, 2019

Со ова се заврши сагата околу иднината на Дејвис која започна во јануари годинава во зимскиот преоден рок. И тогаш „езерцата“ се обидоа да го ангажираат Ентони Дејвис но Њу Орлеанс ги одби сите понуди на тимот од Лос Анџелес. На управата на Њу Орлеанс не им се допадна настапот на агентот на кошаркарот, Рич Пол кој изјави дека неговиот клиент сака да игра само за ЛА Лејкерс и дека нема намера повеќе да игра за Пеликанс.

Овој пат Њу Орлеанс мораше да ја прифати понудата и со кошаркарите кои дојдоа во замена за Дејвис, добива млад тим кој има светла иднина, згора на тоа тие на престојниот драфт сега ги имаат и првиот и четвртиот избор.

ЛА Лејкерс исто така е задоволен од направената размена бидејќи сега Леброн Џејмс ќе има уште една супер ѕвезда во тимот со кого ќе веднаш стануваат еден од главните фаворити за освојување на титулата. „Езерцата“ успеаја да го задржат младиот Кајл Кузма, а следна цел на управата е ангажман на уште една ѕвезда и ќе изборот ќе биде помеѓу Кајри Ирвинг, Бредли Бил и Кемба Вокер .