Лани доживеа дебакл од 9:0, а сега во солзи падна на колена!
Австрискиот тренер Ралф Хазенхитл не можеше да ги запре солзите после победата над актуелниот шампион во Премиер лигата, Ливерпул.
Саутемптон минимално славеше против составот на Јирген Клоп, а Хазенхитл откако судијата отсвири крај на натпреварот падна на колена со солзи во очите.
Тоа е неговата прва победа во кариерата против германскиот стратег Клоп.
– Имаше солзи во моите очи – поради ветерот! Кога гледате дека нашите момци се борат и даваат буквално сè од себе, тогаш навистина морате да бидете горди. Доколку сакате да го победите Ливерпул, морате да одиграте одличен натпревар и мислам дека ние во тоа успеавме – рече менаџерот на Саутемптон.
Неговиот клуб моментно е на шестата позиција со 29 бодови. Потсетување дека Хазенхитл минатата сезона го доживеа најтешкиот пораз во историјата на Премиер лигата од Лестер (0:9), а изненадувачки остана на клупата и после тој дебакл.