Лајпциг и Џеси Марш официјално ја прекинаа соработката
После три порази по ред во најквалитетната германска фудбалска лига, Лајпциг донесе одлука да се раздели со својот досегашен тренер, Џеси Марш.
Причина за прекинување на соработката се лошите резултати оваа сезона, а моментно клубот е на 11 позиција со 18 бодови, дури 16 помалку од водечкиот Баерн.
Лајпциг инаку лани беше вицешампион на Германија, зад баварскиот гигант, а истото се случи и во натпреварувачката сезона 2016/2017.
Екипата не успеа да обезбеди место во нокаут-фазата од Лигата на шампионите, но има шанса следната пролет да настапува во елиминациските борби на Лига Европа.
Клубот не објави кој ќе го наследи Марш, но како најсериозен кандидат се шпекулира името на Доменико Тедеско, екс тренер на Шалке и Спартак Москва.
Read more: https://t.co/IaYbyO0icw
⚪🔴 #WeAreLeipzig pic.twitter.com/1b6O2qeBLb
— RB Leipzig English (@RBLeipzig_EN) December 5, 2021