Квалификации за ЕП: Македонските футсалци до бод против Романија
Вечерва во Спортскиот центар „Јане Сандански“ – Скопје македонската футсал репрезентација го одигра вториот натпревар од квалификациите за Европското првенство, одигра нерешено 2:2 против Романија.
После стартниот пораз на гостувањето кај Босна и Херцеговина (2:1), овојпат избраниците на селекторот Васко Скендеровски успеаја да извлечат бод.
Поведоа ривалите со голот на Дандан (12:40 мин.), но веднаш израмнивме благодарение на погодокот на Мицевски (13:12 мин.)
Противникот повторно беше во предност откако нашата мрежа ја затресе Рибеиро (31:36 мин.), а конечниот епилог го постави Ранготов (37:14 мин.). Капитенот Дарко Ранготов овој меч беше 100 јубилеен во дресот со националниот грб.
Моментно во квалификациската група „4“ водат Босанците со шест бодови, два имаат Романците, по еден Македонија и Србија.