Крос и Реал Мадрид се договориле, Германецот става потпис на нова соработка
Повратникот во германската репрезентација Тонис Крос најверојатно и наредната сезона ќе го носи дресот на Реал Мадрид.
Познатиот италијански новинар, Фабрицио Романо објави дека Крос и Реал Мадрид се договориле за нова едногодишна соработка и преостануваат само формалности за се да биде официјализирано.
Во редовите на Реал Мадрид, Крос пристигна пред десет години од Баерн Минхен и во Мадрид зад себе има успешен период во кој освои четири титули во Лигата на шампионите и три во Ла Лига.
Заедно со Хрватот, Лука Модриќ го формираа еден од најдобрите тандеми од средниот ред во историјата фудбалот, а сезонава покажа и дека се уште може да игра на високо ниво и покрај тоа што Реал има одлични помлади играчи како Белингем, Камвинга, Чуамени и Валверде.
Неодамна Крос донесе одлука и да се врати во репрезентацијата на Германија која ја напушти пред три години. Тој веќе одигра два натпревари против Франција и Холандија и беше еден од најважните во тие две победи на Германците.
🚨⚪️ EXCLUSIVE: Toni Kroos will stay and continue at Real Madrid as new one year deal until 2025 is set to be agreed!
Direct talks between Kroos and Real on contract and it’s now just a formality to sign, imminent.
Super season again for Kroos at Real and also with Germany now. pic.twitter.com/8DSMUToDs5
— Fabrizio Romano (@FabrizioRomano) March 27, 2024