Кривична против технички директор на ЈП „Национални шуми“ од Демир Капија – Слободен печат
Хроника

Кривична против технички директор на ЈП „Национални шуми“ од Демир Капија

Второпријавениот, во својство на технички директор, усно се договорил со сопственик на железарница во Демир Капија да направат компензација.

Полициската станица Неготино поднесе кривична пријава против двајца вработени во Јавното претпријатие „Национални шуми“ Демир Капија поради постоење основи на сомнение за сторени кривични дела несовесно работење во службата и злоупотреба на службената положба и овластувањето.

Според информациите од МВР, се работи за С. Р. (44) и Д. Б. (48), двајцата од Демир Капија, едниот референт, а другиот технички директор во претпријатитето.

Како што се наведува, на 7.2.2019, првопријавениот, како референт во Јавното претпријатие издал испратница за количина огревно дрво помала од фактичката состојба, со што го оштетил буџетот на ЈП „Национални шуми“, но и буџетот на државата.

Второпријавениот, во својство на технички директор, усно се договорил со сопственик на железарница во Демир Капија да направат компензација, односно вработените во „Национални шуми“ да земат разновидна стока од неговата железарница за потребите на ЈП „Национални шуми“, а тие за возврат да му дадат огревно дрво.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close