Крај на една ера: Рене Реџепи го затвора ресторанот „Нома“
Светски познатиот ресторан „Нома“ најави дека ќе ги затвори вратите за посетителите кон крајот на 2024 година.
Уште од отворањето пред 20 години, ресторанот „Нома“ во Копенхаген, Данска, привлекува посетители од целиот свет и е на првото место на сите главни листи за најдобри ресторани во светот. Ресторанот е пет пати прогласен за најдобар на светот – во 2010, 2011, 2012, 2014 и во 2021 година, и е носител на три „мишелин ѕвезди“.
View this post on Instagram
Основачот на „Нома“, големиот шеф Рене Реџепи е Албанец со македонско потекло и важи за еден од највлијателните готвачи во светот. И покрај успехот, Реџепи за „Њујорк тајмс“ изјави дека барањата за водење врвен ресторан на највисоко можно ниво се неодржливи. И самиот Реџепи призна дека праведната компензација за речиси 100 вработени, со задржување на високите стандарди и цени што пазарот може да ги поднесе, не е изводлива.
Како резултат на тоа, ресторанот ќе биде затворен до крајот на 2024 година, а потоа ќе биде пренаменет во „лабораторија за храна“, која ќе работи на развивање нови јадења и производи за „Нома проџектс“.
View this post on Instagram
Затворањето на „Нома“ ќе има значително влијание врз кулинарскиот свет. Многу готвачи ѝ се восхитуваа на работата на Реџепи во „Нома“ и продолжија да го шират неговиот стил во други земји.
Сепак, важно е да се напомене дека ресторанот нема целосно да исчезне. Имено, на страниците на „Нома“ стои дека ќе биде претворен во лабораторија каде што ќе продолжат да ги развиваат своите производи како дел од „Нома проџектс“, концепт што го развија минатата година и во чии рамки веќе претставија три производи.
View this post on Instagram