Костакурта е оптимист: Квалитетот и тимскиот дух се на страна на Италија во дуелот со Македонија
Поранешниот италијански репрезентативец и фудбалер на Милан, Алесандро Костакурта е убеден во победа на „азурите“ над Македонија во полуфилниот бараж за пласман на Светското првенство во Катар.
Костакурта смета дека тимскиот дух и квалитет се на страната на Италија во дуелот со Македонија и очекува триумф на неговата репрезентација, а потоа „азурите“ би славеле и над Португалија во финалето на баражот.
– Сите не изненади Роберто Манчини на ЕП и мора да му сме благодарни за тоа што го направи со репрезентацијата. Но, не е само освојувањето на Евро 2020 и јас верувам во него и во секој фудбалер што ќе го повика во репрезентацијата. Не очекуваат бараж натпреварит за Светското првенство во Катар и не се сомневам дека ќе ја победиме Португалија, зашто не очекувам изненадување да загубиме од Македонија пак или Турција да ја помине Португалија.
Македонија е послаба од Италија, иако неспорно е дека има добар тим и квалитетни фудбалери. Но, тимскиот дух и тимскиот квалитет не е како на „азурите“ и тоа во вакви мечеви многу значи. Но, и Италија ќе има проблем, зашто сегашниот тим не е истиот како пред 8-9 месеци и не мислам на кој ќе игра или ќе отсуствува, зашто по Еуро 2020 се гледа дека енергијата, гладта за победа и квалитетот не е на нивото како за време на турнирот кога беше освоена европската круна. Но, јас очекувам пласман на СП, тежок меч со Португалија“ – додава Костакурта.