Коронавирусот стана инспирација и за велигденските јајца (ФОТО)
Мислењата на социјалните мрежи се поделени. Додека некои се шегуваат, други сметаат дека ваквите „црни шеги“ не се потребни поради сериозноста на ситуацијата со коронавирусот ширум светот.
Францускиот шеф на кујна Жан Франсоа Пре, многу популарен во Франција особено по померувањето на гастрономските граници, и овојпат изненади презентирајќи ги чоколадните велигденски јајца во поинаква „облека“.
Всушност, љубителите на чоколадата сега требаа да размислат двапати пред се препуштат во слаткото уживање. Станува збор за креации на велигденски јајца моделирани според трендот на коронавирусот. Пре исто така направил и сличен модел на „корона“ колачиња.
Жителите на Ландивизо овие велигденски чоколадни јајца имаат можност да ги купат во слаткарницата на Пре, иронично сместена на улицата Луј Пастер, улица именувана по славниот француски микробиолог.
Велигденските јајца се направени од млечно чоколадо на кое се додадени бадеми бојадисани во црна и црвена боја за крцкав вкус.
Не само во Европа, и во Америка се појави трендот на декорирање на велигденски јајца инспириран од ситуацијата со коронавирусот.
Магионичарот за деца, Пол Дан, ги претстави неговите велигденски јајца кои „носат“ заштитни маски.
И на социјалните мрежи се појавија фотографии на таканаречени корона велигденски јајца.
Сепак, мислењата на социјалните мрежи се поделени. Додека некои се шегуваат, други сметаат дека ваквите „црни шеги“ не се потребни поради сериозноста на ситуацијата со коронавирусот ширум светот.
