Во Јемен денес загинаа шест војници кога конвојот кој го пренесувал министерот за одбрана на земјата Мухамед Али Макдаши налетал на мина. Министерот не е повреден во несреќата, наведуваат владини извори.

Макдаши, министерот за одбрана на меѓународната призната јеменска влада, правеше обиколка на борбените линии во областа Сирвах, западно од градот Мариба кој го контролира владата и источно од престолнината Сане, која ја контролираат Хутите, јавува „Ројтерс“.

Шест војници загинаа, а неколку се повредени откако конвојот згазил на на екплозив кој бил закопан под патот, рекоа два официјални владини претставници.

Во Јемен во моментов има граѓанска војна, откако Хутите поддржани од Иран ја срушија владата на претседателот Абдурабух Мансур Хади од Сана на крајот на 2014 година. Воената коалиција под водство на Саудиска Арабија интервенираше во 2015 година за да го врати Хади на власт.

Последниот бран на насилство трае од средината на јануари, кога експлозија погоди владин воен камп во Мариба, усмртувајќи десетина лица.