Антонио Конте е убеден дека оваа сезона е идеална за да ја прекине осумгодишната доминација на Јувентус во Серија А и затоа на управата и достави список со 10 имиња кои сака да пристигнат на „Џузепе Меаца“.

Но, одговорот од сопствениците, семејството Жанг е дека прво треба да се продадат играчи за да се финансираат трансферите во зимскиот преоден рок.

Највеќе пари во касата на Интер може да донесе Кристијан Ериксен за кого се интересираат неколку англиски екипи но и ПСЖ.
Доколку Ериксен замине во францускиот тим, Конте бара во спротивна насока да дојде Леандро Паредес плус дополнителна сума на пари.
Освежување во нападот треба да претставува Леонардо Паволети од Калјари и ќе биде замена за Ромелу Лукаку.
На радарот на Конте се наоѓа и португалскиот репрезентативец Ренато Санчез но тој е поблиску до Ливерпул отколку до „нероаѕурите“. Како идеално решение во средниот ред, Конте го гледа играчот на Удинезе, Родриго де Пол, но прашање е дали ќе може да обезбеди 40 милиони евра колку што бараат од тимот од Удине.
Сосема изгледен е трансферот на капитенот на Аталанта, Папу Гомез кој влезе во војна со тренерот Џанпјеро Гасперини по што веднаш е ставен на трансфер листата.
Тренерот на Интер сака одбраната да ја засили со Никола Максимовиќ од Наполи на кого идното лето му истекува договорот со наполитанците.
Последно име на списокот на Конте е тоа на новото чудо од дете на Џенова, Николо Ровела за кого интерес пројавува и Јувентус.