Најголемиот пожар во катедралата Нотр Дам во историјата се случи во понеделникот. Макрон веќе најави нејзина обнова и рече дека тоа ќе се случи за пет години, меѓутоа многу други експерти не мислат така.

„Нотр Дам ќе биде уште поубава по обновата и сакам тоа да биде завршено за пет години. Ние го можеме тоа. Оваа катастрофа треба да нè зближи. Наша задача е ова да го претвориме во национален проект“, изјави Макрон.

Од друга страна, во светските медиуми се појавија бројни информации според кои многу други експерти велат дека ќе бидат потребни околу десет години, а не пет за целосно да се обнови Нотр Дам.

Експертите сè уште немаат пристап до катедралата за да ја испитаат штетата. Заменик министерот за внатрешни работи Лоран Нуњез кажа дека структурата е во добра состојба, но се откриени некои ранливи места.

Останува да се почека за да бидат донесени конечните проценки за тоа колку точно време ќе биде всушност потребно.