Колинда: Ќе им помогнеме на Македонија и Босна да влезат во ЕУ – Слободен печат
ВестиРегион

Колинда: Ќе им помогнеме на Македонија и Босна да влезат во ЕУ

Во контекст на заедничките безбедносни закани, Колинда оцени дека е важно Хрватска и Израел заедно да се грижат за Европа и за Медитеранот.

Хрватската претседателка Колинда Грабар-Китаровиќ, по средбата со израелскиот премиер Бенјамин Нетанјаху во Ерусалим изјави дека Хрватска ќе им помогне на соседните земји да влезат во Европската унија.

– Можеме да направиме многу добри работи, но исто така и да потонеме во хаос. И затоа мора да го надгледуваме сето она што се случува околу нас и, што се однесува до Хрватска, да им помогнеме на соседните земји – БиХ и Македонија – да влезат во Европската унија – рече Грабар-Китаровиќ.

Во контекст на заедничките безбедносни закани, таа оцени дека е важно Хрватска и Израел заедно да се грижат за Европа и за Медитеранот и оти соработката и заедничката борба против тероризмот и ширењето на оружјето за масовно уништување се најважни за безбедноста на двата народа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close