Кочов: Ништо не е готово, не чека нова тешка битка
Тренерот на МЗТ Скопје, Ѓорѓи Кочов е задоволен од прикажаната игра на неговите кошаркарите и од победата. Стратегот исто така предупредува дека не смее да има опуштање по победата, бидејќи за триумф се потребни три победи.
– Во натпреварот влеговме накако во грч и промашивме многу отворени шутеви. Бевме нервозни, бидејќи знаевме колку е значаен овој натпревар за нас. Од друга страна, Работнички влезе растоварено, но во последните четири до пет минути дојде до израз нашиот квалитет и тоа го реши натпреварот. Дамјан Стојановски одигра одлично и тоа за мене тоа не е изненадување. Јас тоа и го очекувам од него, но и од сите останати. Мора да го пофалам тимот, зашто сите имаат заслуга за оваа победа, од тие на паркетот, до оние што беа на клупа. Меѓутоа ништо не е готово, нѐ чека уште една тешка битка пред нашата публика која воопшто нема да биде лесна – рече Кочов.