Јирген Клоп се смета за еден од најтемпераментните фудбалски тренери коиј не мирува покрај аут линијата. Фановите неговиот темперамент го „запознаа“ во времето кога Клоп ја предводеше Борусија Дортмунд, а на истиот начин ги води и натпреварите на Ливерпул.

– Луѓето постојано ме гледаат како трчам, ги стискам забите, го вперувам прстот во нешто. Не можам одеднаш да почнам да седам во положба на „Мислител“ за да можат сите да сфатат што ми се случува во главата. Свесен сум дека во одредени моменти и ситуации изгледам како идиот – вели Клоп.

Поради своето однесување покрај аут линијата, Клоп често добива и црвени картони.
– Судиите тоа не го разбираат. Мислам дека првиот црвен картон го добив бидејќи помошниот судија го прашав: Колку погрешни одлуки се дозволени? Бидејќи ако се дозвлени 15, тогаш остана само една. Судијата не го разбра мојот ироничен коментар и веднаш почна да мавта со знамето. Јас не можам мирно да седам кога го предводам мојот тим – додава Клоп.