Јирген Клоп речиси ја заврши својата мисија во Ливерпул, триумфира во Лигата на шампионите, го врати клубот во европскиот врв и му остана само уште еден предизвик. Тоа е Премиер лигата, титулата која навивачите на „црвените“ ја чекаат 30 години.

Германецот во интервју за „Кикер“ најави дека по завршување на договорот со Ливерпул, ќе си замине од „Енфилд“.

– Се чини дека ќе биде така. Но, кој може со сигурност нешто да тврди денеска, никој не знае што ќе се случи за три години. Доколку видам дека нема да можам да продолжам да работам со ова темпо,
ќе си земам одмор и потоа ќе носам одлуки. Имам енергија, но не сакам без емоции да ја работам оваа работа. Јас се внесувам целосно во работата. Затоа велам дека ако не сум вистинскиот Јирген, тогаш ќе си земам одмор – вели Клоп за „Кикер“.