Кина: Откази за здраствени функционери поради засилување на епидемијата на ковид-19
Менаџер на болница и директорот на здравствената комисија во источниот кинески пристаништен град Чингдао се отпуштени од работа поради појавата на ново локално жариште на епидемијата на коронаирусот.
Во краткото соопштение на градската влада се наведува дека под истрага се наоѓаат директорот на Комисијата за здравство, Суи Џенхуа и Денг Каи, управителот на торакалната хируршка болница, каде што биле регистрирани случаите на инфекција.
Властите во Чингдао наредија тестирање на сите девет милиони жители откако потврдија дека се заразени вкупно 12 лица, шест со симптоми и шест без симптоми. Вчера беше соопштено дека за само неколку дена направени се осум милиони тестови. Меѓу петте милиони добиени резултати во меѓувреме, нема заразени.
Чингдао е големо трговско пристаниште и индустриски центар познат по електроника и истоимената пиварница, најпозната во Кина, е седиште и на Северната флота на морнарицата.