Украина високо ќе го вее своето жолто-сино знаме и никогаш нема да крене бело, му одговорија властите во Киев на папата Франциск, кој говорејќи за војната во Украина во интервју изјавил дека „кревањето бело знаме е знак на храброст“.

Неговата изјава беше протолкувана како повик до Украина да се предаде, иако Ватикан појасни дека тоа било „повик за преговори“.

– Нашето знаме е жолто-сино. Тоа е знамето за кое живееме, за кое ќе умреме и за кое ќе триумфираме. Никогаш нема да кренеме други знамиња – порача шефот на украинската дипломатија Дмитро Кулеба.

На изјавата на папата реагираа и министерот за надворешни работи на Полска Радек Шикорски.

– Папата Франциск треба да го повика (рускиот претседател Владимир) Путин да собере храброст за да ја повлече својата војска од Украина, зашто така би настапил мир и нема да има потреба од преговори – порача Шикорски.