Долго време се шпекулираше дека довчерашниот напаѓач на ПСЖ ќе ја избере Бенфика, прво се зборуваше дека Кавани бара преголема плата, а потоа се појавија информации дека тој е свесен за актуелната состојба во фудбалот и дека неговите барања не се толку големи.

Бенфика продолжи да преговара со агентот на фудбалерот, а трансферот го забрзал тренерот Жорге Жесус кој лично зборувал со Кавани за да го натера да потпише за португалскиот гигант.

Весникот „Рекорд“ пишува дека убедувањата успеале и Кавани се согласил да потпише тригодишен договор со Бенфика, а се уште се преговара за неговата плата како и за бонусот кој ќе го добие за потписот. Шоекулациите се дека Кавани ќе заработува 2.5 милиони евра по сезона, а за самиот потпис со Бенфика ќе биде „награден“ со осум милиони евра.