Канзас со неверојатен пресврт ја шокира Северна Каролина и стана НЦАА шампион
Кошаркарите на Универзитетот Канзас е нов шампион на НЦАА лигата откако со најголем пресврт во историјата на финалињата, во Њу Орлеанс ја совладаа Северна Каролина со 72:69.
Ова е четврта шампионска титула за Канзас во НЦАА лигата, претходно славеа и во 1952,1988 и 2008 година.
JAYHAWKS ARE CROWNED NATIONAL CHAMPS! 🔴🔵
Kansas wins it all in NOLA #NationalChampionship 🏆 pic.twitter.com/cAnqnzi5mO
— NCAA March Madness (@MarchMadnessMBB) April 5, 2022
Кошаркарите на Канзас џејхокс на полувремето од натпреварот кој се играше пред 69.423 гледачи имаа негатива од 15 поени, но во вториот дел успеаја да направат голем пресврт. На 10.30 минути до крајот на натпреварот Канзас со тројката на Реми Мартин успеа да поведе со 53:50 и до крајот на средбата го контролираше резултатот.
THE KANSAS JAYHAWKS ARE YOUR 2022 NATIONAL CHAMPIONS 🏆@KUHoops #NationalChampionship pic.twitter.com/X0OXhf525p
— NCAA March Madness (@MarchMadnessMBB) April 5, 2022
Северна Каролина со поените на Брејди Манек дојде до водство од 68:69, но работите во свои раце ги презеде Дејвид МекКормак кој постигна четири поени по ред за водство на Канзас од 72:69 на 22 секунди до крајот.
Кошаркарите на Северна Каролина го имаа последниот напад, но играчите на Канзас одиграа одлично во одбраната и ја обезбедија победата што значеше и шампионска титула.
“You’re a champion!” ❤️
An amazing moment between @youngoch and his family after winning the #NationalChampionship 🙏
(via @WIBWMITCHEL)pic.twitter.com/b2n0byufB8
— NCAA March Madness (@MarchMadnessMBB) April 5, 2022
Дејвид МекКормак со 15 поени и 10 скокови, Џејлен Вилсон со 15, Реми Мартин со 14 и Окаи Агбаџи со 12 поени беа најзаслужни за победата на Канзас.
Токму Агбаџи беше прогласен за најкорисен играч на завршниот НЦАА турнир.
Најтрофеен универзитет е УКЛА со 11 титули, Кентаки има осум додека Северна Каролина има шест шампионски титули.