Македонскиот тенисер, Калин Ивановски со екипата на Тексас Универзитет, се искачи на тронот во зимскиот шампионат, откако во финалето славеше над Охајо Стејт Универзитет со 4-2.

Ивановски ја одигра клучната улога во решавачкиот дуел, триумфирајќи над Престон Стринс со 2-0 во сетови (7-5, 6-4) и обезбедувајќи ја победата за својот тим по жестока и неизвесна пресметка.

Македонецот беше меѓу најзаслужните за шампионскиот поход. Во полуфиналето против Бејлор Универзитет направи пресврт и го совлада Сомбор Велч со 2-1 во сетови (3-6, 6-2, 6-3), додека во четвртфиналето беше подобар од Роланд Де Равел од ТСУ Универзитет, исто така со 2-1 (3-6, 6-3, 6-3).

Во текот на турнирот Ивановски забележа и порази д Стринс и од Арјан Шах од Вејк Форест Универзитет, а победи против Елијах Чам од Универзитет Јужна Флорида. Покрај настапите во поединечна конкуренција, Ивановски настапуваше и во двојки, каде партнер му беше Абел Форже, давајќи дополнителен придонес во походот кон титулата.