Какви мерки презема грчката влада за справување со економските последици од коронавирусот?
Плаќањето придонеси и ДДВ во областите каде има прекин на економските активности ќе биде одложено на неколку месеци.
Со цел да ги ублажат економските последици во зафатените подрачја со корона вирусот грчката влада донесе низа мерки.
Со нив се предвидува во регионите каде што повеќе од 10 дена се прекинати економските активности плаќањето на придонеси, ДДВ, да бидат одложени на неколку месеци.
Владата во Грција упати препораки до компаниите кои имаат можност за конференциско работење, работа од дома и на интернет како и работење во повеќе смени истото да го практикуваат со цел да се избегне раздвижување како на работните места така и во јавниот превоз.
Во Грција вчера беа потврдени нови 11 случаи на новиот коронавирус, со што бројот на заразени со Ковид-19 во земјата достигна 84 лица