Витаминот Д е еден од ретките што самиот се синтетизира во организмот кога сме доволно изложени на сонце. Во остатокот од времето, потребно е да се зема како суплемент.

Со негово редовно користење, тој дава одлични резултати кај луѓето кои се со зголемен ризик за заболување од рак, а кај веќе болните многу ги олеснува симптомите. Многу е важно да се нагласи дека неговата улога во вакви случаи не е превентивна, туку е олеснувачка.

Досега нема сознанија дека витаминот Д го намалува или елиминира ризикот за заболување, но истражувањата покажале дека кај болните, ја намалува смртноста, односно го продолжува животниот век.

Ова сознание ќе помогне многу во натамошните третмани и методи на лечење кај пациентите во ризичните групи, со надеж дека ќе се најде начин нивните симптоми да се олеснат и во остатокот од животот да имаат помалку болки и проблеми како последица на болеста.