Добрила Кацарска, судијката од Скопскиот кривичен суд, во интервју за „Макфакс“, кое ќе биде објавено во петок, говори за најавениот ветинг во правосудството, за довербата на граѓаните во судиите, како и за застарувањето на предметите и обидите за изигрување на судските постапки.

Кацарска рече дека пред донесување пресуда во случајот „Тенк“ на СЈО, каде што беа обвинети, а подоцна и осудени Никола Груевски, Гордана Јанкулоска и Ѓоко Поповски, еден од поротниците најавил дека сака да се откаже од судењето поради здравствени причини, но таа успеала да го разубеди и предметот за набавката на „мерцедесот“ да не застари.